НҰР-СҰЛТАН. ҚазАқпарат - Бүгін Литвада футзалдан әлем чемпионатының финалдық сатысында А тобындағы алғашқы тур аяқталды, деп хабарлайды ҚазАқпарат тілшісі.
Еске салсақ, бұдан бұрын Қазақстан құрамасы Коста-Рикадан 6:1 есебімен басым түсті.
Одан кейін Литва мен Венесуэла шеберлік байқасқан еді. Бұл кездесуде литвалықтар қарсыласына 1:2 есебімен жол беріп қойды.
Енді Қазақстан құрамасы 15 қыркүйекте Литвамен ойнайды. Ал Венесуэла мен Коста-Рикамен алаңға шығады.
Топтық кезең ойындары 12-20 қыркүйек аралығында болады. Финал 3 қазанға белгіленген.
Қазақстан құрамасы бұдан бұрын әлем чемпионаты финалдық сатысында екі мәрте бақ сынады. 2000 жылы бірінші кезеңнен аса алмаса, 2016 жылы 1/8 финалға дейін жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.