АЛМАТЫ. ҚазАқпарат - 21 тамызда Алматыда өтіп жатқан футзалдан студенттер арасындағы әлем біріншілігінің топтық кезеңінің жеңімпаздары белгілі болды, деп хабарлайды ҚазАқпарат тілшісі wucfutsal2018.com сайтына сілтеме жасап.
Аталмыш жарыста В тобында сынға түскен жігіттер өз тобында бірінші орын алды. Олар алдымен Чехияны 4:3, Жаңа Зеландияны 2:0 есебімен тізе бүктірсе, Беларусьпен 1:1 есебімен тең ойнады. Біздің топтан екінші орынға Чехия құрамасы ие болды. Олар Қазақстан құрамысынан басқа өзге ойындарда Беларусьті 3:1, Жаңа Зеландияны 10:0 есебімен жеңді.
Ал А тобында Ресей мен Аргентина, С тобында Украина мен Таиланд, Д тобында Португалия мен Польша жарысты жалғастыру мүмкіндігіне ие болды.
Енді әр топтан алғашқы екі орынға ие болғандар ширек финалға шықса, соңғы екі орындағы құрамалар 9-16 орындар үшін сайысқа түседі. Ал жартылай финал 24 тамызда өткізілсе, финал мен 3-орын үшін бәсеке 26 тамызда болады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.