АСТАНА. KAZINFORM — 28 қарашаға қараған түні «Қайрат» пен «Семей» футзалдан Чемпиондар лигасы элиталық кезеңіндегі бастапқы матчтарын өткізеді.
Алматылықтар франциялық «Этуальмен» алаңға шықса, «Семей» испаниялық «Пальмамен» шеберлік байқасады.
Қазақстан уақытымен сағат 00.20-да «Qazaqstan» телеарнасынан «Қайрат» - «Этуаль» матчы тікелей эфирде көрсетіледі.
Сағат 00.35-тен бастап «Qazsport» телеарнасынан «Семей» — «Пальма» ойынын қарауға болады.
Алматылықтар В тобында сондай-ақ хорватиялық «Олмиссум» және «Футзал Динамо» командаларымен кездеседі. Семейліктер D тобында «Пальмадан» басқа «Рекорд Бельско-Бяла» (Польша) және словакиялық «Мимел Лученец» клубтарымен ойнайды.
Финалдық кезеңге төрт топтың жеңімпаздары ғана жолдама алады.
Еске сала кетейік, бұдан бұрын «Семейдің» футзалдан Чемпиондар лигасының элиталық кезеңіне жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).