АСТАНА. ҚазАқпарат - Қазақстандық «Аят» футзалдан UEFA Чемпиондар лигасының негізгі сатысындағы екінші ойынын өткізді, деп хабарлайды ҚазАқпарат тілшісі.
Екінші топта сынға түсіп жатқан рудныйлық команда Португалияның «Спортинг» клубымен шеберлік байқасты.
Бірінші кезеңде португалиялық командадан Диего Кавинато - 3, Паулета - 4, 6, Эрик - 15, Невес 19-минуттарда гол соқса, оған қазақстандық Азат Валиуллин 7-минутта бір голмен жауап қайырды.
Екінші кезеңде қарсылас команда сапынан Невес - 33, Мигель Анжело 37-минуттарда мергендік танытты.
Осылайша рудныйлық команда қарсыласына 1:7 есебімен жол берді.
Енді «Аят» үшінші кездесуінде 29 қазанда Хорватияның «Пула» командасымен шеберлік байқасады.
Еске салсақ, «Аят» бұдан бұрын Хорватияның «Ново Време» клубымен 2:2 есебімен тең түсті.
Сондай-ақ алматылық «Қайрат» алғашқы екі кездесуінде қарсыластарымен тең ойнады .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.