АСТАНА. ҚазАқпарат - Футзалдан UEFA Чемпиондар лигасы финалдық сатысында бақ сынайтын барлық команда анықталды, деп хабарлайды ҚазАқпарат тілшісі.
Мұндай мүмкіндікке Португалияның «Бенфика» және «Спортинг», Испанияның «Пальма» және Бельгияның «Андерлехт» командалары ие болды.
«Төрттіктің финалы» 2023 жылдың 4/5 және 6/7 мамыр күндері өткізіледі. Аталған турнирдің ойын кестесі мен өтетін орны кейін анықталады.
Еске салсақ, алматылық «Қайрат» футзалдан Чемпиондар лигасының элиталық сатысында Мальтаның «Люксол Сент-Эндрюс» клубымен 0:0 есебімен тең түссе, одан кейін Чехияның «Хрудим» мен Португалияның «Бенфика» командаларына 1:2 есебімен жол берді.
Аталған топтан «Бенфика» турнирдің финалдық сатысына жолдама алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.