НҰР-СҰЛТАН. ҚазАқпарат - Бүгін футзалдан UEFA Чемпиондар лигасы негізгі сатысында «Қайрат» және «Атырау» командалары алғашқы ойындарын өткізеді, деп хабарлайды ҚазАқпарат тілшісі.
Айта кетейік, «Қайрат» төртінші топта сынға түседі. Қарсыластары - Чехияның «Пльзень», Ресейдің «Тюмень» және Италияның «Пезаро» командалары.
Алматылық клуб бүгін «Пльзень» клубымен шеберлік байқасады. Кездесу елорда уақытымен 21:30-де басталып, «Qazaqstan» телеарнасынан көрсетіледі.
«Қайрат» одан кейін 28 қазанда «Тюмень», 30 қазанда «Пезаро» клубтарымен кездеседі.
Ал «Атырау» екінші топта Словенияның «Добовец», Португалияның «Спортинг» және Францияның «Аньер Вильнев 92» командалармен бақ сынайды.
Атыраулық клуб бүгін елорда уақытымен 00.00-де «Добовецпен» кездесеіп, «Qazsport» телеарнасынан тікелей эфирде көрсетіледі.
Одан кейін атыраулықтар 28 қазанда «Спортингпен», 30 қазанда «Аньер Вильнев 92» командасымен ойнайды.
Әрбір топтан алғашқы үш орынға ие болған командалар элиталық сатыға жолдама алады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.