НҰР-СҰЛТАН. ҚазАқпарат - Бүгін Швейцариянның Ньон қаласында футзалдан UEFA Чемпиондар лигасы элиталық сатысы топтық кезеңінің жеребесі тартылды, деп хабарлайды ҚазАқпарат тілшісі.
Естеріңізге сала кетелік, аталмыш турнирдің элиталық сатысына Қазақстан атынан Алматының «Қайраты» мен Рудныйдың «Аят» командалары жолдама алған болатын.
Бүгін олардың қарсыластары анықталды.
«Қайрат» С тобында Португалияның «Бенфика», Испанияның «Эль-Посо» және Италияның «Песаро» командаларымен сынға түседі. Бұл топтағы ойындар Алматы қаласындағы «Алматы-арена» стадионында болады.
Ал «Аят» В тобында Португалияның «Спортинг», Ресейдің «Тюмень» және Хорватияның «Ново Вриеме» клубтарымен шеберлік байқасады. Бұл топтағы командалар Тюмень қаласына жиналады.
Ойындар 19-24 қараша күндері өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.