НҰР-СҰЛТАН. ҚазАқпарат - Футзалдан UEFA Чемпиондар лигасы жартылай финалында Алматының «Қайрат» командасының қарсыласы анықталды, деп хабарлайды ҚазАқпарат тілшісі.
Естеріңізге сала кетелік, қазақстандық клуб 28 сәуірде ширек финалда Португалияның «Бенфика» командасынан 6:2 есебімен басым түсті. Осылайша жартылай финалға жолдама алды.
«Қайрат» енді Испанияның «Барселона» клубымен кездеседі. Испаниялық клуб Словенияның «Добровец» командасын 2:0 есебімен жеңді.
Жартылай финал ойындары 1 мамыр күні өткізіледі. Финал 3 мамырға белгіленген. Ойындар Хорватияның Задар қаласында өткізіліп жатыр.
Сондай-ақ, бүгін, 29 тамызда ширек финалда «Интер» (Испания) - «Газпром-Югра» (Ресей), «Спортинг» (Португалия) - КПРФ (Ресей) командалары кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.