НҰР-СҰЛТАН. ҚазАқпарат - Қазақстандық «Қайрат» және «Аят» командалары футзалдан UEFA Чемпиондар лигасы элиталық сатысынан аса алмады, деп хабарлайды ҚазАқпарат тілшісі.
С тобында сынға түскен Алматының «Қайраты» төртінші орынды қанағат тұтты. Олар соңғы турда Португалияның «Бенфикасынан» 3:5 есебімен жеңіліп қалды. Алматылық клуб бұдан бұрын Испанияның «Мурсия Эль-Посо» командасынан 1:4 есебімен жеңілсе, одан кейін Италияның «Песаро» клубынан 5:3 есебімен басым түсті. Бұл топта жарысты жалғастыруға «Мурсия Эль-Посо» командасы мүмкіндік алды.
Ал В тобында бақ сынаған Рудныйдың «Аят» клубы Ресейдің Тюмень қаласында өткен ойындарда жергілікті «Тюменінен» клубынан 0:3, Португалияның «Бенфикасынан» 2:5 есебімен есе жіберді. Олар бүгін Хорватияның Хорватияның «Ново Вриеме» клубынан 2:3 есебімен жеңілді.
«Қайрат» бұдан бұрын 2018/2019 жылғы кезеңде финалист атанса, 2012/2013, 2014/2015 жылғы кезеңдерде жеңімпаз болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.