Қазақстандық «Аят» футзал клубы бүгін Чемпиондар лигасы негізгі сатысындағы ойындарын бастайды, деп хабарлайды Kazinform.
Қарсыластары - Португалияның «Спортинг», Хорватияның «Олмиссум» және Украинаның «Хит» командалары.
Бүгін «Аят» алғашқы ойынын «Олмиссум» командасына қарсы өткізсе, одан кейін 26 қазанда «Спортингпен», 28 қазанда «Хит» клубымен кездеседі.
Ойындар «Олмиссумның» алаңында биылғы жылдың 25-29 қазан аралығында өткізіледі.
Сондай-ақ, Алматының «Қайраты» үшінші топта сынға түседі.
Қарсыластары — «Мальорка Пальма» (Испания), «Халадаш» (Венгрия), «Дифферданж 03» (Люксембург).
Бұл топтағы ойындар 26-29 қазан аралығында Пальма де Мальорке қаласында болады.
Әр топтан алғашқы үш орындағы командалар элиталық сатысына жолдама алады.
Элиталық сатысының ойындары биылғы жылдың 28 қараша мен 3 желтоқсаны аралығында өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.