22:10, 28 Қыркүйек 2025

Футзалдан ел біріншілігінде «Семей» «Қайратты» ірі есеппен жеңді

АСТАНА. KAZINFORM - Бүгін футзалдан Қазақстан біріншілігі IV турының кезекті ойын күні өтеді.

Фото: «Семей» футзал клубы

Бұл күнгі басты кездесуде «Семей» мен алматылық «Қайрат» командалары арасында болды.

Қос команда кейінгі жылдары ел біріншілігінде бас жүлдеге таласып келеді. Сондай-ақ олар еурокубок ойындарында Қазақстан намысын қорғап жүр.

Бүгінгі кездесу барысында семейлік клуб қарсыласынан 10:4 есебімен басым түсті. Олар 27 қыркүйекте аталған қарсыласын 5:2 есебімен сүріндірген еді.

27 қыркүйек

«Байтерек» (Орал) - «Тұлпар» (Қарағанды) 3:2
«Астана» - «Ақтөбе» 3:4
«Қарағанды» - «Жетісу» (Талдықорған) 3:0
«Шымкент» - «Аят» (Рудный) 0:6

28 қыркүйек

«Байтерек» (Орал) - «Тұлпар» (Қарағанды) 2:3
«Астана» - «Ақтөбе» 0:7
«Қарағанды» - «Жетісу» (Талдықорған) 4:1
«Шымкент» - «Аят» (Рудный) 4:5

Бұл турда 25-26 қыркүйек күндері ақтаулық «Каспий» «Атырауды» 3:2 себімен жеңсе, тағы бір кездесуде 0:0 есебімен тең түсті.

Енді 5-6 тур ойындары 4 және 5 қазан күндері өткізіледі.

Айта кетсек, футзалдан ел біріншілігінде биыл 12 команда бақ сынап жатыр.

Спорт Футбол Қазақстан чемпионаты

Әділжан Үмбет

1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.