НҰР-CҰЛТАН. ҚазАқпарат - Футзалдан Қазақстан чемпионаты плей-офф сатысында жартылай финалға шыққан төрт команда анықталды, деп хабарлайды ҚазАқпарат тілшісі.
Турнирдің аталған кезеңінде командалар екі кездесуден өткізді. Жеңімпаз ұжым екі ойын нәтижесі бойынша анықталды.
Алматының «Қайраты» Көкшетаудың «Оқжетпесін» сүріндірді. Алғашқы ойында қарсыласын 6:0 есебімен тізе бүктірген алматылықтар қарымта кездесуде 11:0 есебімен басым түсті. Ал «Ақтөбе» Ақтаудың «Каспийін» (7:5, 5:3), «Атырау» оралдық «Байтеректі» (6:4, 5:4), рудныйлық «Аят» «Нұр-Сұлтанды» ( 5:2, 4:1) орта жолда қалдырып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.