НҰР-СҰЛТАН. ҚазАқпарат - Футзалдан Қазақстан чемпионаты финалдық ойынының алғашқы кездесуінде Алматының «Қайрат» командасы «Атырау» командасын тізе бүктірді, деп хабарлайды ҚазАқпарат тілшісі.
Бұл кездесуде алматылық клуб қарсыласынан 9:2 есебімен басым түсті. Ойын барысында Тұрсағұлов пен Оразов бір, Диего пен Эдсон екі, Ақбалықов үш голдың авторы атанды. Ал «Атырау» сапынан Далтон мен Эрик Данило көзге түсті.
Финалда командалар біреуінің үш жеңісіне дейін шеберлік байқасады. Енді екі клуб 11 және 14 мамыр күндері бәсекелеседі. Бұл ойындарда жеңімпаз анықталмаған жағдайда тағы екі кездесу 17 және 18 мамырға белгіленіп отыр.
Үшінші орын үшін сайыста «Аят» «Ақтөбені» жалпы серияда 3:2 есебімен жеңіп, қола жүлдеге қол созды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.