АСТАНА. KAZINFORM - Футзалдан Қазақстан чемпионатының плей-офф кезеңіне шыққан клубтар анықталды.
Енді ширек финалда «Семей» мен «Бәйтерек», «Қайрат» (Алматы) пен «Жетісу» (Талдықорған), «Атырау» мен «Ордабасы» (Шымкент), «Аят» (Рудный) пен «Ақтөбе» клубтары кездеседі.
Ширек финал 27 мамыр, жартылай финал 7 маусымға белгіленген. Ал финал 23 маусымға жоспарланған.
Ширек финал бір команданың екі жеңісіне дейін жалғасады. Жартылай финалда ол үш жеңіске дейін белгіленген. Ал, 3-орын үшін командалар екі жеңіске дейін бәсекеге түссе, финалда жеңімпаз үш жеңіс бойынша анықталады.
Еске салсақ, Абай облысының «Семей» командасы футзалдан 2024 жылғы Қазақстан чемпионы атанды.
Сондай-ақ алматылық «Қайрат» футзалдан 2024 жылғы Қазақстан суперкубогының иегері атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.