АСТАНА. KAZINFORM - Бүгін футзалдан Қазақстан ұлттық құрамасы екінші жолдастық кездесуінде Вьетнаммен тең түсті.
Кездесу барысында қазақстандық футзалшылар екі гол қатарынан соғып кетті. Оны ел құрамасынан Ерсұлтан Сағындықов пен Нұрсұлтан Пиялы өзінің еншісіне жазды.
Екінші кезеңде вьетнамдық құрама екі гол соғып, таразы басын теңестіріп кетті.
Осылайша құрамалар 2:2 есебіне қанағат білдірді.
Алғашқы жолдастық кездесуінде қазақстандық футзалшылар аталған қарсыласына 1:4 есебімен есе жіберді.
Айта кетсек, кездесуге дайындық 8 сәуірде Астанада басталды. Оған 14 ойыншы қатысты.
FIFA күнтізбесіне сәйкес ұлттық құрама 8-16 сәуір аралығында оқу-жаттығу жиынын ұйымдастырды.
Еске салсақ, FIFA жариялаған футзал құрамаларының рейтингінің жаңартылған нұсқасында Қазақстан ұлттық құрамасы жетінші орынға тұрақтады. Ол бұрынғы орнынан екі сатыға төмендеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.