АСТАНА. ҚазАқпарат — Алматылық «Қайрат» пен Қазақстан ұлттық құрамасының бас бапкері Рикардо Камара Собрал (Какау) Біріккен Араб Әмірлігі құрамасының тізгінін ұстады.
Какау 2013-2018 жылдарда Қазақстан ұлттық құрамасы мен алматылық «Қайрат» командасының бас бапкері болды. Оның жетекшілігімен ұлттық құрама 2016 жылы Еуропа чемпионатында қолаға қол созса, «Қайрат» УЕФА кубогын (2013, 2015) екі мәрте төбесіне көтерді.
Қазақстаннан кейінгі қызметінде ол Кувейт құрамасымен Батыс Азия чемпионатында жеңіс тұғырынан көрінді.
Бразилиялық маман румыниялық «Аутобергамо Дева» клубына бас бапкер болған кезеңде Румыния кубогының иегері атанды. Одан кейін Ирак құрамасы мен румыниялық «Юнайтед Галати» командасына жетекшілік етті.
Ал Қазақстан ұлттық құрамасы мен алматылық «Қайратқа» 2018 жылдан бастап Кака бас бапкер болса, 2023 жылдан бері ол тек ұлттық құрама тізгінін ұстап келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.