АСТАНА. ҚазАқпарат – Футзалдан қазақстандық клубтардың UEFA Чемпиондар лигасы негізгі сатысындағы қарсыластары белгілі болды, деп хабарлайды ҚазАқпарат тілшісі.
Жарыстың аталған сатысында еліміздің атынан алматылық «Қайрат» пен Рудныйдың «Аят» клубтары сынға түседі.
Алматылық «Қайрат» үшінші топта Испанияның «Пальма», Венгрияның «Халадаш» және Люксембургтің «Дифферданж» командаларымен кездеседі.
Ойындар 24 және 29 қазан аралығында Испанияның Пальма-де-Майорка қаласында болады.
Ал, «Аят» бірінші топта бақ сынайды. Қарсыластары – Португалияның «Спортинг», Хорватияның «Олмиссум» және Украинаның «Хит» командалары.
Ойындар «Олмиссумның» алаңында биылғы жылдың 24 және 29 қазан аралығында өткізіледі.
Еске салсақ, бұдан бұрын футзалдан әлем чемпионатына іріктеу: Қазақстан құрамасының қарсыластары анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.