АСТАНА. KAZINFORM - Футзалдан Чемпиондар лигасы «Төртеудің финал» турнирінде бас жүлдені сарапқа салатын командалар анықталды.
Жартылай финалда алдымен «Бенфика» (Португалия) мен «Пальма» (Испания) командалары кездесті.
Негізгі кезең 4:4 есебімен аяқталып, пенальти тебуде испаниялық клуб жеңіске жетті.
Тағы бір кездесуде Испанияның «Барселонасы» Португалияның «Спортингін» 5:4 есебімен сүріндірді.
Енді 5 мамырда «Пальма» мен «Барселона» кездессе. 3-орын үшін «Бенфика» мен «Спортинг» шеберлік байқасады.
Чемпиондар лигасы 2001 жылдан бері тұрақты түрде өткізіліп келеді. Былтыр Испанияның «Пальма» командасы жеңімпаз атанды.
Қазақстандық «Қайрат» командасы биыл Чемпиондар лигасы элиталық сатысынан аса алған жоқ. Олар ойын көрсеткен В тобынан «Бенфика» (Португалия) жарыстың келесі сатысына шыққан еді.
Алматылық клуб 2012/2013, 2014/2015 жылдарда аталған турнирде жеңімпаз атанған еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.