АСТАНА. KAZINFORM — Футзалдан УЕФА Чемпиондар лигасының 2025 жылғы төрттік финалы Ле-Манда (Франция) өтеді.
Аталған бәсекеде Чемпиондар лигасының қазіргі чемпионы «Пальма» (Испания), турнир дебютанты «Картахена» (Испания), екі дүркін кубок иегерлері «Қайрат футзал» және «Спортинг» (Португалия) қатысады.
Жарыстың жартылай финалы 2 мамырда «Антарес Арена» спорт кешенінде, финал мен үшінші орын үшін матч 4 мамырда өтеді.
Айта кетсек, алматылық клуб аталған турнирдің элиталық кезеңінде Хорватияның «Динамо Загреб» (5:1), Францияның «Этуаль» (4:2) және Хорватияның «Олмиссум» (1:0) командаларын қапы қалдырды.
Еске салсақ, бұдан бұрын футзалдан Қазақстан ұлттық құрамасы 2026 жылғы Еуропа чемпионатының іріктеу кезеңіндегі алғашқы ойынында Албанияны (2:0) жеңді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.