НҰР-СҰЛТАН. ҚазАқпарат - Футзалдан қазақстандық клубтардың қатысуымен өтетін UEFA Чемпиондар лигасы негізгі сатысының жеребесі тартылды, деп хабарлайды ҚазАқпарат тілшісі.
Алматылық «Қайрат» А тобына түсті. Қарсыластары - франциялық «Спортинг», бельгиялық «Андерлехт» және испаниялық «Мальорка».
Қазақстандық команда аталған турнирге 19-мәрте қатысады.
Ел біріншілігінің күміс жүлдегері - рудныйлық «Аят» В тобында хорватиялық «Ново Время» және «Пула», португалиялық «Спортингпен» кездеседі.
Әрбір топтан үздік үштікке енген командалар жарыстың элиталық сатысына жолдама алады.
Турнирдің негізгі сатысының ойындары биылғы жылдың 25-30 қазан аралығында өткізіледі.
Еске салсақ, кеше футболдан Қазақстан кубогында «Астана» «Жетісумен» тең түсті.
Ашық көздерден алынған фото
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.