ҚР Мәдениет министрлігінің баспасөз қызметінен мәлім еткендей, 5 күн бойы астаналық көрермендердің назарына 6 сахналық қойылым ұсынылатын болады. Олардың бесеуі - ересектерге арналған. Атап айтқанда, Ғабит Мүсіреповтің «Қозы Көрпеш - Баян сұлу» (реж. Жанат Хаджиев ) трагедиясы; Ермек Аманшаевтың «Балкон» (реж. Сағызбай Қарабалин) романтикалық иллюзиясы; Фридрих Шиллердің «Махаббат пен ғадауат» (ауд. Талғат Теменов, реж. Роман Виктюк) трагедиясы; Мар Байджиевтің «Тұншыққан сезім» (ауд. Райымбек Сейітметов, реж. Балтабай Сейітмамытұлы); Шыңғыс Айтматовтың «Теңіз жағалай жүгірген тарғыл төбет» (инсц. жасаған және реж. Талғат Теменов) спектаклі.
Сонымен қатар, театр 11-14 қазан аралығында «Наурыз думан» (авторы және реж. Мұрат Ахманов) музыкалық-танымдық балаларға арналған ертегі қойылымдарын тарту ететін болады.