Ғалымдар туберкулезге қарсы күресте үлкен жетістікке жетті

АСТАНА. KAZINFORM – АҚШ-тағы Массачусетс технологиялық институтының ғалымдары Mycobacterium tuberculosis қоздырғышының негізгі компоненттерін таңбалаудың жаңа әдісін жасау арқылы туберкулезбен күресте серпіліс жасады.

Report хабарлағандай, зерттеу Proceedings of the National Academy of Sciences (PNAS) ғылыми журналында жарияланды. 

Команда патогеннің жасуша қабырғасының маңызды құрамдас бөлігі болып табылатын ManLAM гликанын таңбалаудың жаңа әдісін әзірледі. Оксазиридиннің органикалық молекуласын қолдана отырып, ғалымдар бұл гликанды алғаш рет таңдамалы түрде визуализациялай алды және иммундық жасушаларды жұқтырған кезде оның әрекетін бақылай алды.

Бұл әдіс инфекциядан кейін бірнеше күн бойы бактерияларды бақылауға мүмкіндік берді. Алдыңғы болжамдарға қарамастан, гликандар бактерия жасушасының қабырғасында қалады. Технология инфекция механизмдерін зерттеудің жаңа мүмкіндіктерін ашады.
Туберкулезді диагностикалаудың бар әдістері – рентген және молекулалық сынақтар – дамушы елдерде жиі қолжетімсіз.

Жаңа тәсіл зәрді жылдам тексеруге, ауруды анықтаудың неғұрлым сезімтал әдістеріне негіз бола алады және ұзақ мерзімді бактерияларды өсіруге балама бола алады.

Еске сала кетейік, Орталық Азияның 5 елі туберкулезге қарсы бастама декларациясына қол қойды.

Сондай-ақ әлемде алғаш рет соғып тұрған жүрек сәтті ауыстырылды.