«Біз клиникалық зерттеулерді аяқтау кезеңіндеміз, яғни әлемдік стандарттар бойынша клиникалық сынақтың екі кезеңін өткіздік. Қазіргі кезде клиникалық сынақтың үшінші кезеңіне кірісудеміз. Осыны аяқтағаннан кейін, препараттың нарыққа шығатындығы жайында айтуға болады»,- деді М. Құлманов. Оның сөзіне қарағанда, аталған препарат дәрілік құрамы жағынан туберкулезге қарсы тиімділігін байқатып отыр. Мәселен, осы дәрі-дәрмек арқылы ем-дом қабылдағандар стационардан екі есе жылдам шығады. Егер қазіргі қолданыстағы әдістермен емдеу шараларына 6-8 ай уақыт жұмсалса, ал жаңа препаратты қабылдағандар 2-3 айдың ішінде сауығатын көрінеді. «Соңғы 50 жылда туберкулезге қарсы препараттар мүлдем әзірленбеген», - деді ол.
16:46, 18 Маусым 2014
Ғалымдар: Қазақстанда туберкулезге қарсы тиімді дәрі-дәрмек жасалды
АСТАНА. ҚазАқпарат - Қазақстан ғалымдары туберкулезге қарсы тиімді дәрі-дәрмекті жасап шықты. Бұл туралы бүгін Орталық коммуникациялар қызметіндегі брифингте жобаның ғылыми жетекшісі Мұрат Құлманов мәлім етті.