АСТАНА. ҚазАқпарат - Канада ғалымдарының хабарлауынша, күйзелісті көрсететін молекула анықталды. Осы орайда мамандар бұл зерттеу жаңа антидепрессанттардың жаңа түрін әзірлеуге көмектеседі деп үміттенуде.
Атап айтқанда, бірқатар зерттеулердің барысында канадалық ғалымдар miR-1202 атауымен белгілі болған молекуланы тапты. Ол өз кезегінде адам ағзасының күйзелісті жағдайын көрсетеді екен.
Биологтар емдеу кезінде miR-1202-ні күйзелістің маркері ретінде қолдануға және жаңа транквилизаторлық заттарды даярлауда пайдалануға жоспарлап отыр.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.