Адамдар мен жануарлардың жасушаларындағы терапияны бақылау С дәруменінің күре тамырдың ішіндегі инъекциялар комбинациясы мен карбоплатин және паклитаксел сияқты қарапайым химиялық терапия препараттарының салдарынан тәжірибелік жағдайда обырдың ұрық пайда болатын жерін тоқтатқанын көрсеткен.
«1970 жылдары аскорбин қышқылы немесе С дәруменін қатерлі ісік ауруын емдеу кезінде пайдалану дәстүрлі емес терапияға жататын. Бұл қауіпсіз болды, есептер күре тамырдың ішінен емдеу тиімділігінің дұрыстығын көрсетті. Алайда кейінгі зерттеулер С дәруменін екі рет қолданғаннан кейінгі жағдайдың тиімсіз болатынын анықтаған-ды. Сондықтан онколог дәрігерлер бұл идеядан бас тартты», - дейді Канзас медициналық университетінің интегративті медицина департаментінің доценті Ци Чэнь.
Клиникалық зерттеулер 3-ші және 4-ші дәрежедегі қатерлі ісік аурына шалдыққан 27 науқасқа қатысты жүргізілген. Олардың бәріне дәстүрлі химиялық терапиямен емдеу тәсілі қолданылғанымен олардың кейбіреуінің күре тамырының ішінде С дәрумені егілген. Дәрігерлер осы зерттеуге қатысушыларды бес жыл көлемінде бақылаған. Сонда аскорбин қышқылын пайдаланған науқастарда химиялық терапия салдарынан болатын интоксикацияның мөлшері төмендегені байқалды.