Ғалымдар: Спортпен шұғылдану миға жақсы әсер етеді
00:16, 14 Желтоқсан 2014
АСТАНА. ҚазАқпарат - Британиялық ғалымдар спортпен шұғылданудың тағы бір пайдасына көз жеткізді. Шотландиялық университетте жасы 70-тен асқан еріктілер қатысқан зерттеу жүргізді. Олар үш топқа бөлінді, деп хабарлады шетелдік БАҚ.
Алғашқы топқа спортпен мүлдем шұғылданбайтындар, екінші топқа кей кездері спортқа көңіл бөлетіндер және үшіншісіне үнемі фитнес-орталықтарға баратындар кірді.
Зерттеу жұмысына қатысушылар үш жыл қатарынан медициналық тексерістерден өтті. Онда ғалымдар адамдардың миының жасушаларын зерттеген.
Нәтижесінде, үшінші топтағы адамдардың өзгелермен салыстырғанда миының жасушалары азырақ жойылғаны анықталды.