НҰР-СҰЛТАН. ҚазАқпарат – Гандболдан Қазақстан әйелдер құрамасы Венгрияда Олимпиадаға іріктеу турнирінде бақ сынайды, деп хабарлайды ҚазАқпарат тілшісі.
Ұлттық олимпиада комитеті мәлім еткендей, аталмыш жарыстар 20-22 наурызда Черногория, Испания және Венгрияда өтеді.
Қазақстан құрамасы Подгорицедегі үшінші топта Норвегия, Черногория және Румыниямен күш сынасуы тиіс болатын. Алайда Қытай гандбол федерациясы коронавирустың өршуіне байланысты турнирге қатысудан бас тартты.
Осылайша Халықаралық гандбол федерациясының регламентіне сәйкес Қазақстан құрамасы Азия бойынша рейтингте ең жоғары орында тұрғандықтан, Венгрияның Дьер қаласында 20-22 наурызда өтетін іріктеу сайысында қытайлық команданың орнына сынға түседі.
Айта кетейік, үш топтан үздік екі команда Токио Олимпиадасына жолдама алады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).