ҚР ҰОК-нің баспасөз қызметі мәлім еткендей, Азия ойындарында командалық спорт түрлерінен іріктеу айналымдары бүгін басталып кеткен. Алғашқы іріктеу сынында гандболдан Қазақстан қыздар құрамасы Үндістан құрамасымен кездесіп, қарсыластарынан 36:19 есебімен басым түсті.
Қазақстандық команда сапынан Дана Әбілда ең көп ұпай жинады, ол қарсылас қақпасына 8 доп соққан. Сондай-ақ, Ольга Танкина мен Валерия Караваева тиісінше 6 және 5 доптан соқты.
Азия ойындарында Қазақстан құрамасы Оңтүстік және Солтүстік Корея, Қытай, Үндістанмен бір топқа түсті.
Команданың келесі кездесуі 16 тамыз күні Қытайға қарсы өтеді.