АСТАНА. KAZINFORM – Ол бұл қызметке биыл 17 мамырда келген еді. Қызметтен кетуіне өзге жұмысқа ауысуы себеп болып отыр.
- Биыл QFL-де отандық футболды дамытуға бағытталған біршама реформа жүзеге асты. Мен үшін QFL-ді басқару үлкен құрмет әрі жауапкершілік және көптеген жобаның іске асуына үлес қосқаныма қуаныштымын. Лиганың командасы, футбол клубтары, біздің серіктестер, БАҚ өкілдері және құрметті жанкүйерлерге қолдау танытып, бірге жемісті қызмет атқарғаны үшін рақметімді айтамын, - деді Ғани Қайназаров.
Жаңа басшыны сайлау мәселесі Лига мүшелерінің кезектен тыс отырысында талқыланады.
Айта кетсек, бұдан бұрын Қазақстан футбол федерациясының жаңа президенті қызметіне Марат Омаров келді.
Сондай-ақ Саян Хамитжанов Қазақстан футбол федерациясының Бас хатшысы қызметіне тағайындалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.