Газ мамандары күзгі-жысқы жылыту маусымының сәтті өтуін қамтамасыз етті
АСТАНА. KAZINFORM - QazaqGaz компаниялар тобы 2024-2025 ж.ж., күзгі-қысқы жылыту маусымының нәтижесін шығарды. Жиналыс «QazaqGaz» ҰК» АҚ Басқарма төрағасы Санжар Жаркешовтің қатысуымен өтті.
Іс-шара барысында «Интергаз Орталық Азия» АҚ және «QazaqGaz Aimaq» АҚ бірінші басшыларының жылыту маусымы мен газбен қамтамасыз ету жүйесінің беріктігін арттыру туралы баяндамалары тыңдалды.
- Газды тасымалдау және тарату жүйелері тұрақты және үздіксіз жұмысын көрсетті. Бұл бүкіл QazaqGaz ұжымының ұйымдасқан жұмысының және жылу беру маусымына жоғары дайындықтың нәтижесі. Дегенмен, келесі жылыту маусымы мүлде басқаша болуы мүмкін екенін есте ұстаған жөн. Осыған байланысты алдағы күзгі-қысқы кезеңде тұтынушыларды газбен қауіпсіз қамтамасыз ету мәселелері бойынша дайындық жұмыстары басталып кетті, - деді Санжар Жаркешов.
Еліміздің 7 облысында, соның ішінде Алматы, Шымкент және оңтүстік және шығыс облыстарда жылу беру маусымы аяқталды. Қазақстанда газды тұтыну өткен жылдың сәйкес кезеңімен салыстырғанда 6 пайызға, жерасты газ қоймаларынан тауарлық газды іріктеу 11 пайызға артқан. «Бозой» ЖГҚ өз тарихында алғаш рет рекордтық 2,6 млрд м³ газ жинау көлеміне қол жеткізді. Жоспар 2,5 млрд м³ (104%) болған.
Сондай-ақ, «Полторацкое» ЖГҚ – 350 млн. м³ (100%) іріктеу аяқталды, ал Ақыртөбе ЖГҚ іріктеу жұмыстары жалғасуда, онда жоспарланған көлемнің 97,1% орындалады деп күтілуде. Газдың максималды сағаттық тұтынуы сағатына 4 582 мың м³ жетті. Апаттық-диспетчерлік қызмет 46 633 өтінішті өңдеді.
72,5 мың шақырымнан астам газ тарату желісі мен 35 301 нысанның үздіксіз жұмысын 4064 қызметкер, оның ішінде апаттық-диспетчерлік қызметтің 794 жұмысшысы тәулік бойы кезекшілікте қамтамасыз етті.
«Азия газ құбыры» ЖШС басшылығы да қысқы жағдайда Қазақстан-Қытай магистральдық газ құбырын пайдаланудың сәтті аяқталғаны туралы баяндады. Қазақстан үшін де газ жеткілікті болды. ҚХР алдындағы экспорттық міндеттемелер орындалды. QazaqGaz газбен жабдықтау сенімділігі мен тиімділігін арттыру бойынша жұмысты жалғастыруда. Алдағы жылыту маусымына дайындық ұлттық компания басшылығының ерекше бақылауында.
Кездесу қорытындысы бойынша инфрақұрылымды жаңғырту, профилактиканы күшейту, сұранысты басқарудағы икемділікті арттыру бойынша ұсыныстар әзірленді. Бұл шаралардың барлығы келесі жылыту маусымын бұдан да сенімді және қауіпсіз өткізуге бағытталған.