ОРАЛ. 7 қараша. ҚазАқпарат - ҚазАқпарат бұдан бұрын хабарлағанындай, 6 қараша күні түнгі сағат 1-де М.Өтемісұлы атындағы Батыс Қазақстан мемлекеттік университетінің жатақханасында тұрғындар белгісіз газбен уланған болатын.
Аталмыш жатақханадан 400 адам көшіріліп, облыстық ауруханаға 36-сы жеткізілсе, соның 11-і жатқызылған еді.
Облыстық ішкі істер департаментінің баспасөз қызметінен хабарлағанындай, жедел іздестіру шаралары барысында аталмыш оқу орнының 2 курс студенті ұсталды. Ол бұзақылық оймен «перцовый» деп аталатын газ баллонын шашқан.
Аталған фактіге байланысты ҚР ҚК 257-бабы 3-бөліміне сәйкес (бұзақылық) қылмыстық іс қозғалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).