ОРАЛ. ҚазАқпарат - Оралдағы тұрғын үйде болған газ жарылысынан күйік шалған әйелдің жағдайы аса ауыр күйінде қалып отыр, деп хабарлайды «ҚазАқпарат» тілшісі.
Облыстық клиникалық аурухана директоры Ерлан Тоқсановтың айтуынша, қазіргі уақытта оны аман алып қалу мақсатында қолдан келгеннің бәрі жасалуда. Қажетті дәрі-дәрмек жеткілікті, әйел дәрігерлердің үнемі бақылауында.
«Бүгін Астанадағы Травматология және ортопедия ғылыми-зерттеу орталығынан өрт жарақаты бойынша білікті маман арнайы келді. Ол облыстық аурухана қызметкерлерімен кеңесе отырып, бірге жұмыс жасауда», деді Е.Тоқсанов.
Еске сала кетейік, 18 қараша күні сағат 09.58 шамасында Оралға қарасты Зачаган кентіндегі тұрғын үйде газ-ауа қоспасының жарылысы болып, алты адам зардап шегіп, соның ішінде 37 жасар әйелдің денесін 85 пайыз күйік шалып, кейін оның іштегі сәбиі шетінеп кеткен еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).