АСТАНА. KAZINFORM – 2023 жылғы 7 қазанда Израильдің әскери операциясы басталғалы бері Газа секторында қаза тапқандар саны 53 010 адамға жетті. Бұл туралы сәрсенбі күні Газа секторындағы Денсаулық сақтау министрлігі хабарлады, деп жазады Анадолы.
Министрлік мәліметінше, тек соңғы бір тәулікте жергілікті ауруханаларға 82 адамның мәйіті мен 152 жаралы адам жеткізілген.
Деректерге сәйкес, 18 наурыздан бастап (19 қаңтарда жарияланған атысты тоқтату туралы келісімнің бұзылуынан кейін) 2 876 палестиналық қаза тауып, тағы 7 957 адамды жаралаған.
Қақтығыс басталғалы бері жараланғандардың жалпы саны 119 998 адам болды.
Жергілікті билік өкілдері қираған ғимараттардың астында әлі де мыңдаған адамның мәйіті қалғанын атап өтті.
Бұған дейін Израиль Газаға шабуылын күшейтіп, кем дегенде 65 адам қаза тапқанын жаздық.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы