ОРАЛ. ҚазАқпарат – Оралда жол апатынан бір адам қаза тауып, екеуі жарақат алды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, «Газель» автокөлігінің жүргізушісі С.Штыб көшесімен қиылыста рульге ие бола алмай, тоқтап тұрған қар тазартатын трактормен соқтығысқан.
Соның салдарынан «Газель» автокөлігінде отырған әйел қаза тапты. Үш жасар бала қалалық көпбейінді ауруханаға жеткізілді.
Қазіргі кезде ҚР ҚК 345-бабы 3-бөлігіне сәйкес (абайсызда адам өліміне соқтырған жол жүру ережесін бұзу) тергеу амалдары жүргізілуде.
Облыстық денсаулық сақтау басқармасының баспасөз хатшысы Айнагүл Сақпосынованың нақтылауынша, жол апатынан үш адам зардап шекті. Жабық бас-ми және басқа жарақат алып, миы шайқалған 38 жастағы әйел жедел жәрдем көлігінде көз жұмды. Жабық бас-ми жарақатын алып, миы шайқалған үш жасар бала мен 40 жастағы ер адам қалалық көпбейінді ауруханаға жеткізілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).