НҰР-СҰЛТАН. ҚазАқпарат – Орта салмақтағы бұрынғы әлем чемпионы Геннадий Головкин (39-1-1, 35 КО) украиналық Сергей Деревянченкомен (13-1, 10 КО) жекпе-жекке сақадай сай, деп хабарлайды Sports.kz.
Әлеуметтік желіде Геннадий дайындық залында түсірілген видео жариялап, оған «Жұмыс аяқталды. Жекпе-жек аптасына дайынмын» деп жазды.
Еске сала кетейік, Головкин — Деревянченко кездесуі 5 қазан күні Нью-Йорктегі Madison Square Garden аренасында өтеді. Былғары қолғап шеберлері орта салмақтағы IBF және IBO әлем чемпионы белдігін сарапқа салады.
Қазақстанда «Qazsport» телеарнасынан тікелей көрсетілім жүргізіледі.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.