Геннадий Головкин Джеки Чанға шапан жапты
00:10, 22 Ақпан 2026
МИЛАН. KAZINFORM – Ұлттық Олимпиада комитетінің төрағасы Геннадий Головкин Италияда өтіп жатқан XXV қысқы Олимпиада ойындары аясында Джеки Чанмен кездесті.
Геннадий Головкин танымал актермен әңгімелесіп, құрмет ретінде оған қазақтың ұлттық шапанын жауып, тақия сыйға тартты.
– Біздің дәуірдің аңызы – Джеки Чанмен кездесу, - деп жазды Головкин Instagram-дағы парақшасында.
Айта кетейік, 71 жастағы Джеки Чан 2025 жылдың 22 желтоқсанында Италияның Помпей қаласында өткен Милан-Кортина-д'Ампеццо қысқы Олимпиада ойындарының алау эстафетасына қатысқан болатын.
Еске салсақ, бұған дейін америкалық танымал рэпер Снуп Догг қазақстандық мәнерлеп сырғанаушы, Олимпиада чемпионы Михаил Шайдоровты құттықтап, онымен бірге суретке түсті.