Геннадий Головкин Олимпиада боксындағы күрделі мәселені айтты

АСТАНА. KAZINFORM — Кәсіпқой бокстан бұрынғы әлем чемпионы, қазір Қазақстан Республикасы ҰОК президенті Геннадий Головкин танымал америкалық бокс комментаторы Кевин Айолиге берген сұхбатында осы спорт түріне қауіп төндіретін 2028 жылы Лос-Анжелесте өтетін олимпиада боксындағы күрделі мәселелер туралы айтты.

— Өзіңіз де олимпиадашы болғандықтан, бокстың 2028 жылы Лос-Анжелесте өтетін Олимпиада ойындарының бағдарламасына енгізілуі үшін не істеп жатырсыз?

– Біріншіден, менің (ҚР ҰОК-қа) жақында келгенімді атап өту керек. Қазір (Олимпиадалық бокстағы) болып жатқан жағдай туралы материалдарды оқып, бұл спортшылар үшін де, көптеген ҰОК үшін де қолайсыз деп есептеймін. Өзім боксшы болғандықтан, бокс сияқты спорт түрі Олимпиадада қалуы үшін енді біраз кеңес беруге, көмектесуге немесе қандай да бір ықпал етуге тырысамын.

—Біз Рой Джонстың 1988 жылы жеңіске жеткенін білеміз, бірақ керісінше шешім шығарылды. Мұның бекер болмағаны анық, менің сұрағым мынау: Халықаралық Олимпиада комитетінің қазіргі уақытта әуесқой бокстағы бұл жағдайдан алшақтау туралы шешім қабылдауына әуесқой бокстағы жемқорлық себеп болды ма?

— Менің ойымша, солай да айтуға болады. Өйткені жемқорлық спорттың барлық саласында бар, соның ішінде бокста да бар. Міне, сондықтан бокс қазір Олимпиада бағдарламасында сөз болып отыр. Бұл шын мәнінде рас. Бұл мені спортшы ретінде де, боксшы ретінде де қатты алаңдатады. Осының арқасында мен Миланда өткен бірінші лицензиялық турнирге қатыстым, онда ХОК қамқорлығымен лицензиялар берілді. Өйткені жемқорлық пен адами факторларды болдырмау үшін көп нәрсе енгізілді. Көптеген ұпайлар ұсынылып, сынақтан өтті. Жасанды интеллект, компьютерлік бал жинау, қайталау сияқты нәрселер. Мұның бәрі тез жүзеге асады және бұл мені қуантады.