— Бүгінгі күнге дейін Германия Федеративтік Республикасының аумағында да, одан тыс жерлерде де осы іске байланысты ешқандай адам ұсталған жоқ. Тергеудің құпиялылығы мен жүргізіліп жатқан іс-шаралардың тиімділігін сақтау мақсатында әзірге алда атқарылатын тергеу әрекеттері туралы қосымша ақпарат бере алмаймын, — деді Дармштадт қаласының аға прокуроры агенттік жолдаған сауалға берген жауабында.
Оның айтуынша, аталған іс бойынша тергеу жұмыстары жалғасып жатыр.
Сондай-ақ қазіргі уақытта бұл іс аясында Ресей Федерациясының құзырлы органдарымен өзара іс-қимыл жүргізілмейтіні белгілі болды.
Айта кетейік, адвокат Жанна Уразбахова Айгүл Сайлыбаева ісі бойынша күдіктілердің ұсталғаны туралы ақпаратты жоққа шығарған еді.