Германияда биатлоннан әлем кубогінің екі кезеңі өтеді
07:30, 03 Қаңтар 2021
НҰР-СҰЛТАН. ҚазАқпарат - Қаңтар айында Германияның Оберхоф қаласында биатлоннан әлем кубогінің екі кезеңі өтеді, деп хабарлайды Olympic.kz.
Әлем кубогінің бесінші кезеңі 7-10 қаңтар аралығында ұйымдастырылады.
Спортшылар спринт, із кесу жарысы, эстафета және сингл-микст бойынша өзара жеңімпаздарды анықтайды.
Сондай-ақ, әлем кубогінің алтыншы кезеңі де Оберфохта өтеді. 13-17 қаңтарда ұйымдастырылатын додаға Қазақстан командасы да қатысады.
Айта кетелік, биатлоннан Қазақстан командасы бұл күндері Еуропада жаттығу жиындарын өткізуде.