Германияда рок фестивальға жиналғандарға жай түсіп, 33 адам зардап шекті

АСТАНА. ҚазАқпарат - Германияда өтіп жатқан Еуропадағы ең атақты «Rock am Ring» рок фестивалінде екі рет соққан найзағайдан 33 адам жараланды, деп хабарлады «ВВС» агенттігі.

Әншілердің сахнаға шығуын күтіп тұрған жиналған топқа екі рет жай түскен. Арвайлер муниципалитетінің аймақтық дәрігерлері зардап шеккендердің өміріне төніп тұрған қауіп жоқ екенін айтты. «Rock am Ring» фестивалі биыл 5-7 маусым аралығында өтіп жатыр.