АСТАНА. KAZINFORM – Германияның Лейпциг қаласында бірнеше ер адам көшеде төбелесіп, олардың бірі «мачете» ұзын пышағын ұстаған.
Оқиға жексенбі күні қаланың жайсыз аудандарының бірінде болған. Неміс БАҚ хабарлауынша, Лейпцигтің осы аудандарында есірткі топтары арасындағы қарулы қақтығыстар үнемі болып тұрады.
BILD хабарлағандай, бұл оқиғаға қатысы бар күдіктілер алдын ала болжам бойынша Түркиядан келгендер. Төбелеске қатысушылардың бірі ауруханаға түскені хабарланды.
Полиция төбелеске қатысқандарды іздеп жатыр.
Зарина Туғанбаева
Л.Н. Гумилев атындағы Еуразия Ұлттық университетінің түлегі. Еңбек жолын Ақмола облысы Целиноград аудандық «Ұран», «Призыв» газеттерінде тілші болып бастаған. Kazinform ақпарат агенттігінде 2011 жылдан бері қызмет атқарып келеді.