Германияда жұмыссыздар саны 2021 жылдан бергі ең жоғары көрсеткішке жетті

АСТАНА. KAZINFORM – Германияда қазан айында жұмыссыздық деңгейі 6,1 пайыз артты. Бұл туралы елдің Жұмыспен қамту федералды агенттігі мәлімдеді.

Ведомствоның мәліметінше, Германияда осы айда жұмыссыздар саны 27 мың адамға көбейген. Осылайша, 2023 жылдың қазан айымен салыстырғанда, жұмыссыздар саны 183 мың адамға артып отыр.

2024 жылдың қазан айындағы жұмыссыздық деңгейі 6 пайыз деңгейінде өзгеріссіз қалды. 2023 жылдың сәйкес кезеңімен салыстырғанда бұл көрсеткіш 0,3 пайыз өскен.

Бұл – 2021 жылдың ақпанынан бергі ең жоғары деңгей. Бұған дейін жұмыссыздық төрт ай қатарынан 6 пайыз болған.

Сарапшылар орта есеппен жұмыссыздар саны 15 мыңға артып, жұмыссыздық 6,1%-ға дейін өседі деп болжаған, деп хабарлайды Trading Economics.

Қазан айында ашық бос жұмыс орындарының саны 689 мың болды. Бұл қыркүйек айындағы көрсеткіштен 7 мыңға, өткен жылдың сәйкес кезеңімен салыстырғанда 60 мыңға аз.

Бұған дейін Германияда дәрі-дәрмек тапшылығы басталғанын жазған болатынбыз.