АСТАНА. KAZINFORM — Германияның Мюнхен қаласында нысана көздеуден Әлем кубогының кезеңі өтеді.
Қазақстан Ұлттық олимпиада комитетінің хабарлауынша, байрақты додаға Қазақстан құрамасы қатысады.
Әлем кубогында винтовкамен атуда әйелдер арасында Елизавета Безрукова, Александра Ле, Арина Алтухова және София Шульженко бақ сынайды.
Ал аталған сайыста ерлер арасында Константин Малиновский, Ислам Сәтпаев, Никита Шахторин, Юрий Юрков жарыс жолына шығады.
Сондай-ақ тапаншамен ату әйелдерде Ирина Юнусметова, Валерия Попелова, Малика Сейіл сынға түссе, ерлерде Никита Чирюкин, Руслан Юнусметов, Артемий Кабаков, Валерий Рахымжан және Елдар Иманқұловқа сенім артамыз.
Еске салсақ сәуір айында нысана көздеуден Буэнос-Айресте (Аргентина) өткен әлем кубогының кезеңінде Қазақстанның екі командасы алғашқы ондыққа енді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.