Бұл туралы ҚР Президенттік орталығының директоры Бақытжан Темірболат Астанада өтіп жатқан «Орталық Азия елдерін тұрақты дамытуға арналған ғылым, деректер және болжау» халықаралық конференциясында айтты.
— Мемлекет ғылым саласына жүйелі түрде қолдау көрсетіп келеді. 2024–2026 жылдарға ғылымды қаржыландыруға 730,6 миллиард теңге бөлінді. Бұл алдыңғы үш жылдық кезеңмен салыстырғанда 9 пайызға көп. Оның алғашқы нәтижелерін де байқап отырмыз, — деді Бақытжан Темірболат.
Сонымен бірге ол Халықаралық валюта қорының жасанды интеллектке дайындық индексінде Қазақстан 0,55 көрсеткішпен әлемдегі үздік 50 елдің қатарына енгенін атап өтті.
— Бұл дамушы нарығы бар мемлекеттердің орташа көрсеткішінен жоғары, — деді мекеме директоры.
Сонымен қоса, Бақытжан Темірболат климаттың өзгеруі, энергетикалық дағдарыс пен ресурстар тапшылығы сияқты жаһандық мәселелерді шешуде ғылым мен инновацияның маңызы артып келе жатқанын да тілге тиек етті.
— Қазіргі кезеңде жаңа технологиялар мен жасанды интеллектіні терең меңгерген елдер ғана дамып жатыр. Сондықтан ғылым мен білімді дамыту Қазақстанның стратегиялық бағытының маңызды бөлігіне айналып отыр, — деді ол.
Айта кетейік, бұған дейін осы жиында Құрылтай депутаты ауыл шаруашылығы саласындағы ғылыми жобаларды қаржыландыру мерзімін қазіргі 3 жылдан 5–10 жылға дейін ұзартуды ұсынған еді.