М. Омаровтың айтуынша, аталмыш орталық Бүкіләлемдік «FIDOF» композиторлар қауымдастығымен әріптестік орнатқан. Осы келісімнің негізінде Қазақстан-АҚШ бірлескен фильмдері түсірілмек. Үздік жобалар шет мемлекеттердегі фестивальдер мен байқауларға қатыстырылады. Сонымен қатар әрбір тоқсан сайын жас дарын иелері АҚШ өңірлеріне шығармашылық турлар жасайды.
«Халықаралық өнер орталығында 20 аталым бойынша сабақ өткізіледі. Вокал, инструменталды, актерлік шеберліктері, домбыра, хореография, фортепиано, гитара, балет биі сынды көптеген бағыттар бойынша өнерпаздар дайындалады. Әрбір дарындымын деген азамат осында өз қабілеттерін дамытып, шеберліктерін шыңдай алады»,-деді М. Омаров.
Осы шараға арнайы ат басын бұрған Кэри-Хироюки Тагава Қазақстан халқына жаңа табыстар тіледі. «Мен осы елдің болашағына, тамаша жастарына сенемін. Қазақ елі Орталық Азияда көшбасшы мемлекет екені даусыз»,-деп атап көрсетті ол.