Головкин - Альварес жекпе-жегінің келіссөздері осы аптада қайта қолға алынуы мүмкін

АСТАНА. ҚазАқпарат - Boxingscene.com сайтының хабарлауынша, мексикалық боксшы Сауль Альварес пен Golden Boy Promotions және All Star Boxing промоутерлік компаниясы арасындағы сот аяқталуға жақын қалды.

Sports.kz сайтының хабарлауынша өткен жұмада сотта куәгерлер түсінік берген. Жақын арада сот аяқталуы мүмкін. Дүйсенбі немесе сейсенбі алқабилер осы сот бойынша соңғы сөздерін айтады деп күтілуде.

Еске сала кетсек, All Star Boxing жауапкер тараптаhlty (Альвареса пен GBP) 27 миллион доллар талап етуде. Өйткені боксшы All Star Boxing компаниясымен келісімшарт мерзімі аяқталмай тұрып Golden Boy Promotions компаниясымен мәміле жасаған.

Бұған дейін қазақстандық боксшы Геннадий Головкиннің промоутері Том Лёффлер Канело кмандасымен жекпе-жек туралы келіссөздерді сот ісі аяқталған соң бірден бастайтынын мәлім еткен болатын.