АСТАНА. ҚазАқпарат - Жеңіл салмақтан экс-чемпион Брэндон Риос IBF нұсқасы бойынша жартылай орта салмақтағы чемпион британиялық Келл Бруктің (36-0, 25 КО) орта салмақтағы IBF/IBO/WBA/WBC нұсқалары бойынша әлем чемпионы қазақстандық Геннадий Головкинді (35-0, 32 КО) жеңетін еш мүмкіндігі жоқ деп санайды.
Олардың жекпе-жегі 10 қыркүйекте Лондонда O2 аренасында өтеді. Риостың пікірінше, салмақтағы айырмашылық айтарлықтай әсер етеді.
"Брук 147 фунттан орта салмаққа көтеріліп отыр. Бұл үлкен айырмашылық. 147 және 160 фунт. GGG оны сұлатып салады".
GGG Бруктің екі-үш раундта ғана жұдырықтасуына мүмкіндік беріп, кейін төртінші немесе бесінші раундта нокаутқа түсіреді", - деді Риос esnewsreporting сайтына берген сұхбатында.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.