НҰР-СҰЛТАН. ҚазАқпарат - IBF және IBO нұсқасы бойынша орта салмақтағы әлем чемпионы Геннадий Головкин Калифорниядағы спорт залдарының біріндегі бокс рингінде түскен суретін әлеуметтік желіге жариялады, деп хабарлайды ҚазАқпарат боксшының Twitter парақшасына сілтеме жасап.
GGG өз демеушілерінің бірі - Chivas Regal брендінің промо іс-шарасына және автограф-сессиясына қатысты.
«Рингке шыққан сәттегі сезімге ештеңе жетпейді. Бүгін Chivas Regal-да достарыммен бірге уақытты көңілді өткіздім», - деп жазды Геннадий Головкин.
Еске сала кетейік, 5 қазан күні Нью-Йоркте өткен соңғы жекпе-жекте Головкин украиналық боксшы Сергей Деревянченконы жеңген болатын. Әлем чемпионының келесі айқасы ақпан-наурыз айларына жоспарланған. Оның қарсыласы польшалық Камил Шеремета болуы мүмкін.
Жанат Қапалбаева
М.Х. Дулати атындағы Тараз мемлекеттік университетін бітірген.
Еңбек жолын аймақтық басылымдардан бастаған.
Төрт тіл біледі, кәсіби аудармашы.
2018 жылдан бері – Kazinform шығарушы редакторы.
ҚР Журналистер одағының мүшесі.