Геннадийдің жаттықтырушысы ауысып, Абель Санчестің орнына Джонатан Бэнкс келді. Ол жаңа диетолог ұсынды: енді UFC жұлдызы Конор Макгрегордің дұрыс тамақтануымен айналысқан Джеймс Локвуд GGG-мен де жұмыс істейді.
Айта кетейік, Головкин бұрынғыша Биг Беар лагерінде жаттығуын жалғастырып жатыр. Бэнкстің жаттықтыруымен алғаш рет 8 маусым күні Нью-Йоркте канадалық Стив Роллспен (19-0, 10 КО) жекпе-жекке шығады. Париматч букмекерлік кеңсесінің бағалауынша: Головкиннің жеңісі - 1.01, Роллдың жеңісі - 19. Жекпе-жек 164 фунттық аралық салмақта өтеді.