- Олар да, өзгелер де - өте мықты. Қазақтар, орыстар... осы өңірдегі барлық жауынгерлер өте мықты, бетпе-бет келуден жасқанбайды, күштері көп. Бірақ мексикалықтар да дәл сондай. Мен де дәл солай тұрамын және өз қабілеттерім мен контршабуылдарымды қолданғанды ұнатамын. Мексикалық стиль жақсы жекпе-жекке негіз болады», - деп санайды «Канело».
- Біз - тұрпатымыз өте ұқсас адамдармыз, бұл тұрғыда екі ұлттың да жақындығы бар. Жақсы әрі мықты жауынгерлер», - деп қосты GGG.
Еске салайық, Головкин-Альварес жекпе-жегі 16 қыркүйек күні Лас-Вегастағы «T-Mobile Arena»-да өтеді.
Кеше бұл кездесудің басталатын уақыты белгілі болғанын айтқан едік.
«Негізгі шара Шығыс жағалауы уақытымен кешкі сағат 11-ден кешікпей басталады. Сондықтан журналистер мен жанкүйерлер 12 немесе түннің ортасына дейін күтіп отырмайды. Бұл айқасты сағат 11-де көре аласыздар», - деген болатын Golden Boy промоутерлік компаниясының басшысы Де Ла Хойя Нью-Йоркте өткен баспасөз конференциясында.
Осылайша, қазақстандық көрермендер үшін жекпе-жек 17 қыркүйек, жексенбі күні таңғы сағат 9-дан кешікпей басталады.
Бұл жекпе-жек орта салмақтағы әлем чемпионы Геннадий Головкин үшін спорттық мансабындағы соңғысы болуы мүмкін.
«Мен осы жекпе-жектен кейін кәсіби спорттан кететін шығармын. Бәлкім, кетпеймін. Мен өз бабымдамын және өзімді 25 жастағыдай сезінемін. Алайда бұл футбол емес, бокс. Бокс ойын емес, жан беретін бәсеке. Бәсекенің қай-қайсы болмасын өзінше ауыр», - деді Г. Головкин.